ФОТО| Судири на младите демонстранти со полицијата во Брисел

ФОТО| Судири на младите демонстранти со полицијата во Брисел

Неколку стотици, претежно млади луѓе, протстираа во Брисел во саботата, а демонстрантите се судрија со полицијата во немирите за кои се смета дека се делумно поттикнати од масовните протести во соседна Франција. Белгиските студенти изјавија дека протестираат против зголемувањето на трошоците за образование и реформите и дека се плашат дека трошоците и реформите ќе го направат високото образование помалку достапно. Демонстрантите се собраа во центарот на Брисел.

Многумина носеа маски и извикуваа антифашистички слогани. Очевидци за Reuters изјавија дека полицијата користела солзавец и водни топови, додека некои демонстранти превртеле автомобил. Белгискиот министер за внатрешни работи, Бернар Квинтен, во објава на платформата X изјави дека „она што се случува во Брисел повеќе не е обичен протест“ и дека „ќе бидат искористени сите потребни средства за воспоставување ред и соочување со демонстрантите“.

Демонстрации се одржаа и во Лиеж, град на истокот од земјата. Таму, студентите протестираа претходно овој месец за состојбата на образовниот систем на француски јазик, наведувајќи ги зголемените трошоци за образование и тешкотиите во пристапот до наставни материјали. Немирите во Франција започнаа минатиот месец како протести поради финансирањето на образованието и условите во училиштата, но брзо прераснаа во пошироко движење фокусирано на прашања поврзани со нееднаквоста, јавната потрошувачка и животниот стандард.