Францускиот премиер побара делумен полициски час по викендот со безредија

Францускиот премиер побара делумен полициски час по викендот со безредија

Францускиот премиер Себастијан Лекорну изјави во понеделникот дека побарал од локалните власти да воведат делумен полициски час вечерва по насилните протести низ целата земја во текот на викендот. Лекорну им рече на новинарите дека е „апсолутно решен да го врати јавниот ред“. Доколку се смета за неопходна вонредна состојба, „ние би можеле да го сториме тоа“, додавајќи дека во оваа фаза делумниот полициски час изгледа „посоодветен“.

Не кажа кои градови ќе го воведат делумниот полициски час или каква форма мерката ќе има, но ја исклучи можноста за целосен полициски час низ Париз. „Овој полициски час мора да биде локален и делумeн. Ставањето на целиот Париз под полициски час не доаѓа предвид“, рече Лекорну.

Министерот за внатрешни работи Лоран Нуњез им рече на новинарите на истата прес-конференција дека нема планови за откажување на фудбалскиот натпревар на Париз Сен Жермен против Барселона во вторник вечерта. Градоначалниците на најголемите градови во Франција во понеделникот побараа одговори од владата за она што го опишаа како недостиг од подготвеност од страна на безбедносните сили додека земјата се опоравува од викендот исполнет со немири и насилство. Протестите уследија по седмиците студентски демонстрации, со повремени ескалации на улично насилство, кои ја потресоа земјата шест месеци пред претседателските избори и под зголемен притисок од слабата економија и растечкиот долг.